想賺多D，先不要怕煩!

Mr.D結婚後，太太經常問 " 點解要價格慳1千幾百?咁煩!! "

我反問她，"慳，唔慳1千幾百，可以慳幾多?" "慳$20,000，唔買保險?" "慳$8,000,000，唔買樓住?"

老實說，唔買保險、唔買樓住，根本唔算慳，直情是無左保障、無左享受。慳，當然是少數目價格做起。

同樣地，賺錢賺息也是一樣，想賺多D，先不要怕煩!

以港元定期為例，同樣的金額，不同銀行提供的定期息口都不同 (好似某個酒店廣告咁)，要賺多D，第一件事是價格，第二是不怕煩，開新的銀行戶口，第三，調動資金去高定息銀行戶口。

想睇睇每日港元定期存款頭五位最高息的銀行存款利率及每日HIBOR資料，可以去以下網址:

http://www.tripfounder.com/hkdinterest.html

依家有了FPS"轉數快"系統，調動資金去其他銀行其實都很方便。沒有Online Banking (網上銀行) 嘅朋友建議不要怕煩，用少少時間申請番，有了Online Banking，銀行之間的實時轉賬可以在電話/電腦1分鐘做好，輕鬆轉資金賺高息!

現時，不少銀行都推出新資金定期優惠，只要轉換一下銀行做定期，同埋唔好怕少少的煩，理論上同一筆資金，可以不斷享受新資金定期優惠，賺多D錢!

希望幫到大家!有問題歡迎留言給我~

賺息差，錢搵錢

如果大家有留意小弟的blog，都應該知道Mr.D喜歡錢搵錢!(新來的朋友可以睇番我之前的舊post)

今天，想細說的是如何做"財富融資" ，繼而賺息差，錢搵錢。

財富增值 (非"財富融資" )，相信大家在銀行、保險公司的廣告聽得多、睇得多; 什麼"專注為您"、"虛心聆聽"其實也只不過是口號，A銀行講左，B銀行又跟住講，說得再多也只是廢話!一般零售銀行同保險公司大多數只有現成產品，他們最多因客戶的需要，推銷不同嘅理財產品，但唔會為你一個顧客更改產品...單靠銀行為你財富增值，不如自己研究如何創造財富出路!

財富融資，本身不是什麼增值產品，而是一種以現有財富做擔保的借錢渠道，只要可以廉價借錢，就可以賺息差，錢搵錢。

Mr.D 嘗試問左幾間銀行關於"財富融資"，銀行職員通常第一個反應是"財富融資?? 不清楚喎..要問問..."經過一番諮詢再諮詢，發覺其實每間銀行都可以做"財富融資"，只是一.平時無人問; 二. 借錢息口較貴 (P+ %)。

暫時，MR.D搵到最平的銀行是渣打，財富融資息口大概是H+1.25%，同樓宇按揭一致。如果用定期來做抵押，可以借出90%來，任你隨便運用，借出來的錢亦無需放在渣打，那麼大家就以放在高息的銀行賺息差。

例子: Mr.D在渣打有2百萬港元的定期，用財富融資的方法可以借出90%，即180萬港元，息口H+1.25% (即約2.24% (20/2/2019))。之後Mr.D 把180萬港元兌換成美金，放在集友銀行做定期，368天有3.28%。

可以賺到的息差大約是(3.28%-2.24%)*180萬港元 = HK$18,720 (由於港元與美元掛勾，匯率不會大變，這裡省略匯率損益)(H 現在不斷下跌 (借貸成本亦相對平了)，但亦有可能上升，這裡估算假設H不變)，如果大家保守D估算，打個5折，以上例子，仍可賺$9,360，無本生利下已是很好!

就是這樣，Mr.D 就可以低風險，賺息差，錢搵錢。

想睇睇每日港元定期存款頭五位最高息的銀行存款利率及每日HIBOR資料，可以去以下網址:

http://www.tripfounder.com/hkdinterest.html

港元定期利息急跌的部署

2月農曆新年後，港元1個月的HIBOR跌穿1.00%，11/2 1個月的HIBOR只是0.99%，各銀行的一年期的定期息率亦紛紛向下調整。長期獨佔市場榜首的集友銀行，其368天新資金定期息率由2018年12月的2.78%，大幅下跌至2019年2月的2.38%。

由於市場資金非常充裕，短期銀行應該不會提升息率，有空閒資金的朋友可以考慮先做短期定期，待3月尾銀行季結，資金收緊時再看看定期息率情況，繼而決定是否做1年期定期。

對比港元，美元定期的息率比較穩定，現時最高的利率為集友銀行的368天美元新資金定期，有3.28%，比港元足足多出0.9%，大家不妨考慮一下。

想睇睇每日港元定期存款頭五位最高息的銀行存款利率及每日HIBOR資料，可以去以下網址:
http://www.tripfounder.com/hkdinterest.html