開立新銀行戶口時，必做的3件事

今天想跟大家分享是基本功- 開立新銀行戶口!

要賺定期利息，當然要有銀行戶口，如果想開新戶口賺高D息，Mr.D一般會做齊下列基本功:

1.  一次過申請以下6個戶口:

a. 港元活期戶口

b. 港元存款戶口

c. 美元活期戶口

d. 美元存款戶口

e. 人民幣活期戶口

f. 人民幣存款戶口

在香港，一般做定期不離開港元、美元、人民幣; 要快人一步、方便自己的日後資金分配，開新戶口時一次過申請這6個戶口，進可攻、退可守(不用額外收費)。開立不同活期戶口，目的很簡單，就是方便日後隨時轉錢走，唔使去銀行開本票。

2. 一次過申請電話理財、網上理財及FPS(轉數快)

原因大同小異，時間也是金錢，申請電話理財、網上理財及FPS(轉數快)就是把去銀行的次數減到最低。要去銀行的話，就一定要做增值的事，例如去了解最新的理財產品，或好像Mr.D上兩集提過的財富融資，因為這些資料一般較難在網上找到；要去銀行做轉賬的話，即使是有高端銀行戶口，排隊最多是快少少，時間也是浪費了!

現時，很多銀行都可以透過網上理財及FPS(轉數快)免費跨行轉賬，連寫支票轉數的時間也慳番!

3. 了解迎新優惠

現時，大部份銀行開立新戶口，一般都有迎新優惠。例如開立20萬理財戶口，有$200現金回贈；開立100萬理財戶口，有$2000現金回贈，同時開立信用卡，又有$200回贈等等。雖然這些回贈通常都是一次性及小恩小惠的，但既然都去了銀行開戶口，大家也不妨了解多一點，取多少少回贈，去食餐好野。

想睇睇每日港元定期存款頭五位最高息的銀行存款利率及每日HIBOR資料，可以去以下網址:

http://www.tripfounder.com/hkdinterest.html

希望幫到大家!有問題歡迎留言給我~

想賺多D，先不要怕煩!

Mr.D結婚後，太太經常問 " 點解要價格慳1千幾百?咁煩!! "

我反問她，"慳，唔慳1千幾百，可以慳幾多?" "慳$20,000，唔買保險?" "慳$8,000,000，唔買樓住?"

老實說，唔買保險、唔買樓住，根本唔算慳，直情是無左保障、無左享受。慳，當然是少數目價格做起。

同樣地，賺錢賺息也是一樣，想賺多D，先不要怕煩!

以港元定期為例，同樣的金額，不同銀行提供的定期息口都不同 (好似某個酒店廣告咁)，要賺多D，第一件事是價格，第二是不怕煩，開新的銀行戶口，第三，調動資金去高定息銀行戶口。

想睇睇每日港元定期存款頭五位最高息的銀行存款利率及每日HIBOR資料，可以去以下網址:

http://www.tripfounder.com/hkdinterest.html

依家有了FPS"轉數快"系統，調動資金去其他銀行其實都很方便。沒有Online Banking (網上銀行) 嘅朋友建議不要怕煩，用少少時間申請番，有了Online Banking，銀行之間的實時轉賬可以在電話/電腦1分鐘做好，輕鬆轉資金賺高息!

現時，不少銀行都推出新資金定期優惠，只要轉換一下銀行做定期，同埋唔好怕少少的煩，理論上同一筆資金，可以不斷享受新資金定期優惠，賺多D錢!

希望幫到大家!有問題歡迎留言給我~