既然稱得上皇牌，就當然有佢優勝之處:
優點一. 無外匯風險 (唔駛換出換入蝕兌換差價)
優點二. 息差清晰明確
優點三. 在當地借當地貨幣比較容易 (係香港，當時是借港元容易過借英鎊吧!)
缺點: 息差較少，獲利會較少，亦要準確地捕捉時機
純單一貨幣吐息，容易做到嗎?
純單一貨幣吐息雖然是皇牌，然而，要做到低風險無本套利，過程一定是有難度的，我會一連五集介紹一個用純港元的套利方案，亦會一一剖析當中的難度。
在頭兩集，先講講步驟1，平借港元 ，呢道有兩個重點: 1. 平; 2. 借 (Arbitrage套利的關鍵或特色是"無本"，如果唔想借錢或者借唔到錢，咁就做唔到套利)
身為香港人，有份正職，係香港借港元不算是很難的事，難就難在搵平息借，而且必須捕捉時機。唔講去財務公司借的高息貸款，又或是年息30幾厘嘅信用卡簽賬貸款，就係銀行嘅最優惠利率(簡稱:P)現時都要5.375%，如果以這息率借錢，基本上是無法低風險套利!
何謂捕捉時機?
捕捉時機的"捕捉"是很重要的，只得知時機，而沒有去捕捉，沒有去掌握，一切都是徒然的。(大概是機不可失的意思吧!) 要去捕捉，就需要勤做功課，多留意報章、廣告關於銀行借貸嘅優惠。相信大部份香港人都有收過唔同銀行cold call打來的借錢電話，但係除左已經欠下周身債的人，又有幾多一般市民每次真係會細心聆聽、詢問詳細資料呢? 其實，銀行透過電話銷售，往往可以因為節省了買廣告的成本，而提供比市場牌價更優惠的借貸利率。Mr. D 其中一個年息大概1.49%的低息貸款就是透過聽電話借番來的。大家日後有時間的話，記得留意一下這些借貸來電哦!
小貼士: 快速分辨銀行借貸來電的真偽
由於相關的金管局條例，銀行電話營銷人員必須銷售前提供其員工號碼及核對其身份的聯絡電話，如果有人打俾你，一開波就話自己是YYY銀行打來，問你需唔需要資金周轉，而你好肯定無YYY銀行嘅戶口或信用卡，呢個人就相當有嫌疑了...
另外，香港做一般零售業務的是"中銀香港"，如果有人打俾你，話自己係"中國銀行"打來，又唔直接講出其員工號碼及核對其身份的聯絡電話，呢個人亦就相當有嫌疑...
No comments:
Post a Comment