上一個Post 講到Arbitrage套利可以無本生利，又少風險，係唔係大鱷、大老虎先做到架?
無錯，當然大鱷、大老虎的機構投資者一定做到套利，但唔代表小市民做唔到! 小有小做、大有大做!
最簡單可以做到套利的方法只需1.信用卡、2.電話、3.銀行戶口 :
現時，電子錢包流行，簡單的套利可以用信用卡在電子錢包(如:Payme)增值，增值後再把錢轉回銀行戶口。由於信用卡付款通常都有30-50天免息期，從信用卡(經電子錢包)吐現到銀行的錢則最少都有活期利息(現時為年利率0.125%)，有按揭存款掛鉤的戶口，甚至有年利率2.275%的利息，只要信用卡能夠準時還款，基本上一般人都可以用這方法無成本賺錢，再加上有些信用卡計算(用電子錢包簽賬增值的)積分或提供簽賬回贈，那麼你就可以無須拿任何成本，又賺利息、又賺信用卡回贈或積分，Mr.D有朋友更以這方法以信用卡回贈的積分免費換取來回日本機票呢!
以下是一些電子錢包套利方法:
Payme: 信用卡-->直接增值至Payme -->經Payme直接提現到銀行戶口
AlipayHK : 信用卡-->經Alipay 轉賬至親友Y 的Alipay戶口-->親友Y直接在Alipay FPS(轉數快)至你的銀行戶口
WechatPay HK : 信用卡-->經WechatPay 轉賬至親友Y 的WechatPay戶口-->親友Y直接在WechatPay FPS(轉數快)至你的銀行戶口
Oepay!: 有信用卡自動增值的八達通-->經Oepay!增值至Oepay!戶口-->直接轉賬至銀行或PayPal戶口
要注意的是唔同電子錢包都有每月轉賬或增值上限，超過上限，就可能有手續費，詳細請參閱各電子錢包的條款，精明套利。
No comments:
Post a Comment